कलम ३७० हटविणे हे देशाच्या हिताचेच, ज्योतिरादित्यंने दिले समर्थन

जम्मू-काश्मीरमधील कलम ३७० हटविण्याच्या मुद्द्यावरून काँग्रेसमध्ये दोन गट पडल्याचं उघड झालं आहे. काँग्रेसच्या काही नेत्यांनी या निर्णयाला विरोध केलेला असतानाच काँग्रेसचे युवा नेते ज्योतिरादित्य शिंदे यांनी मात्र केंद्र सरकारच्या या निर्णयाला पाठिंबा दिला आहे.

Loading...

ज्योतिरादित्य शिंदे यांनी ट्विट करत केंद्रातील नरेंद्र मोदी सरकारच्या निर्णयाचं स्वागत केलं आहे. ‘जम्मू-काश्मीर आणि लडाखला केंद्रशासित प्रदेश करण्याच्या घेतलेल्या निर्णयाचं मी स्वागत करतो. तसंच संपूर्ण भारताच्या एकीककरणासाठी पावले उचलण्यात आल्याबद्दलही मी केंद्र सरकारचं स्वागत करतो. मात्र या सर्व गोष्टी संविधानिक प्रक्रियेचं पालन करून केल्या असत्या तर अधिक बरं झालं असतं.

संविधानिक प्रक्रियेचं पालन झालं असतं तर कोणीच प्रश्न उपस्थित केले नसते. तरीही, हा निर्णय देशाच्या हिताचा आहे आणि त्याचं मी समर्थनच करतोय,’ असं ज्योतिरादित्य यांनी म्हटलं आहे. विशेष म्हणजे लोकसभेत काँग्रेस खासदार केंद्राच्या या निर्णयाला विरोध करत असतानाच शिंदे यांचं हे ट्विट आल्याने आश्चर्य व्यक्त केलं जात आहे.या आधी काँग्रेस नेते मिलिंद देवरा, दीपेन्द्र हुड्डा आणि जनार्दन द्विवेदी यांनीही ३७० कलम हटविण्याच्या निर्णयाला पाठिंबा दिला होता.

तर काँग्रेसने मात्र या विधेयकाचा तीव्र विरोध केला आहे. तर पक्षाच्या भूमिकेवर नाराज होऊन आसाममधील काँग्रेसचे नेते आणि राज्यसभा सदस्य भुबनेश्वर कलिता यांनी राजीनामा दिला आहे.

Leave a Reply

Your email address will not be published. Required fields are marked *

Loading...